Detail  ໃນຕອນເຊົ້າເວລາ 8:30 ຂອງວັນທີ 23 ມິຖຸນາ 2022 ພະແນກເຕັກໂນໂລຊີ ແລະ ການສື່ສານ ໄດ້ຈັດກອງປະຊຸມສະຫຼຸບວຽກງານຂົງເຂດ ເຕັກໂນໂລຊີ ແລະ ການສື່ສານປະຈຳງວດ I-II ປີ 2022 ແລະ ວາງທິດທາງແຜນການປະຈຳງວດ III ປີ 2022 ຮ່ວມກັບບັນດາບໍລິສັດໂທລະຄົມມະນາຄົມ ແລະ ລັດວິສາຫະກິດໄປສະນີ ສາຂາແຂວງ ໂດຍການເປັນປະທານຂອງ ທ່ານ ພູນແກ້ວ ເຫຼົາອິນ ກຳມະການພັກແຂວງ ເລຂາຄະນະພັກຮາກຖານ ຫົວໜ້າພະແນກ ເຕັກໂນໂລຊີ ແລະ ການສື່ສານແຂວງ ມີອຳນວຍການ,ຮອງອຳນວຍການບັນດາບໍລິສັດແລະພະນັກງານພາຍໃນພະແນກເຂົ້າຮ່ວມທັງໝົດ ຈຳນວນ 17 ຄົນ ຍີງ 7 ຄົນ ກອງປະຊຸມດັງກ່າວໄດ້ຜ່ານບົດບັນທືກຂອງງວດທີ່ຜ່ານມາ ແລະ ໄດ້ມີການປະກອບຄຳຄິດຄຳເຫັນແລກປ່ຽນສົນທະນາບັນດາວຽກຕ່າງໆແລະວາງທິດທາງແຜນການໃນງວດຕໍ່ໄປ ກອງປະຊຸມໄດ້ດຳເນີນເປັນເວລາ1ຕອນແລະໄດ້ສີ້ນສຸດລົງ ເວລາ 11:30 ຂອງວັນດຽວກັນ